مشكلتي في البترجي

السلام عليكم ..
حابه احول علي كلية البترجي فقالولي تختبري انقلش ورياضيات وكمياء ولازم تجيبي فيها نسبه عشان تدخلي القسم الي تبغيه طيب كيف اختبر المواد دي وماعندي خلفيه عنها والجامعه الي درست فيها مناهجها غير عن كلية البترجي هل يحددولي هي ولاكيف والله مرا خايفه ونفسيتي تعبانه بسبب الموضوع دا لانو تحديد مستقبل افيدوني ربي يسعدكمم

اختي
دا الاختبار للي ناوين يدخلون التخصص دايركت بدون تحظيري
و الاختبار صعب شويتين و ع الفاضي
يعني الكليه حاطته تعجيزي وتبغا العالم تدفع فلوس الاختبار وبسسس
ومو هامهم طبعا نجحتي ااو رسبتي

انا سجلت انا وعمي وهو مخلص سنة طب ف اوروبا
وجرب دخل الاختبار انجن والله العظيم وللاسف رسب وبيدخل تحظيري من جديد ..

اساسا لو سالتي موظفي الجامعه عن نسبة النجاح ف الاختبار يقولك واحد من عشرة


بس اذا انتي حاسه انك ممكن تجتازينه وشهادتك حلوه وقادرة تدفعين رسومه ف ليه لا ..قدميه وشوفي يمكن تجتازين
وباذن الله نبارك لك