I need your help

السلام عليكم
اول شي أتمنى تساعدوني وتريحوني لأنو بصراحة انا تعبانة من دا الموضوع اللي هوا انو انا جيت أسجل بالكلية وقالولي حتكوني في المفاضلة لأنك جاية بعد م خلص التسجيل وأنا كملت كل أوراقي ودفعت رسوم التسجيل
وان شاء الله حكون عالمنحة
بس اللي تاعبني انو انا مؤ عارفة أزا انقبلت أو لا حاسة مصيري مجهول لا عارفة انا انقبلت ولا بس سجلت عالفاضي وتعبت عالفاضي

ودرجاتي كويسة الحمدلله جبت ٩٢ في الثانوي و ٦٩ في القدرات و ٦٦ في التحصيلي
ولما رحت أكمل أوراقي عند بلقيس لقيت رقم ال ID تبعي مكتوب على ملف لونو اخضر وصحبتي على ملف اصفر لو احد يعرف ممكن يقولي ايش الفرق بين ألوان الملفات هل يعني انقبلت أو لا

وبليزز اللي يعرف شي عن المقابلة الشخصية يقولي

أتمنى بجد تساعدوني ولكم مني كل الشكر ....

والله يا اختي انا مستجد بعد
وقدمت قبل امس ..

ونقلني رقم الـ id الجامعي حقي وكتبة ع ورقة صغيرة كانت معاي
يعني حتى الاوراق اللي تتكلمين عنها شكلي جيت بعدها  

ف متاكد انا ان مافي فرق سواء ورقة بقلم معبيها او مطبوعه او صفرا كما تفضلتي
علمآ ان نسبي والحمدلله عاليه 84 قدرات و 80تحصيلي و99ثانوي

لكن تاكدي ان المفاضله بتكون ع المقابله وكل المطلوب منك فيها الثقه بالنفس وبسسس
وان شالله نشوفك بعد فترة دكتورة


واتمنى اكون افدتك وتمنياتي لك بالتوفيق

شكرا لك اخويا على الرد
والله يوفقنا جميعا ونحقق حلمنا
لكن اللي كنت اقصدو على ال ID انو كانت موجودة ملفات عالارض لون اخضر واصفر واللي شفتو انو ملف اخضر عليه ال ID واسمي وجواته اوراقي وصحبتي اصفر ما اعرف ايش الفرق

لكن بالبداية انا كمان ادوني الرقم على ورقة صغيرة واللي اقصده بالاوراق اللي كملتها الكشف الطبي وورق التسجيل