بليزززززززز ردو عليا :(

السلام عليكم
أنا قدمت بالكليه يوم الاثنين الي فات
وقالولي حطي رقمك و إحنا حنتصل عليكي بعد يومين ثلاثه
ولسا ما اتصلو عليا واتصل عليهم ما يردو كيف اعرف أدا قبلوني ولا لا
بليز أدا في احد قدم زيي الاسبوع الي فات يردو عليا أبا اعرف أدا اتصلو على احد ولا لسا
اممممم وأبا اعرف ألي قدمو عل كليه ايش الاوراق الي أخذوها معاهم أنا بس أعطيتهم نسخه طبق الاصل من الشهادة الثانوي و درجات القدرات والتحصيلي

حتى انا قدمت الاتنين اللي فات و لسى ما اتصلو عليا و اللي اعرفو انو حيتصلو لمن يخلص التسجيل
و الاوراق اللي اديتهم هيا شهادتي و القدرات و التحصيل و صورة من الهوية و جواز السفر

يسلمو عل رد ربي يوفقك
وربي طفشت وانا كل يوم اجلس بالصباح أستناهم يتصلو
يلا انشاء الله دي اليومين يردو علينا

وعليكم السلام

حبيبتي ممكن الرد يجيكم ياليوم يابعد العيد

لانو اليوم اخر يوم للكليه وحتقفل وشي تاني قولو يارب واتاكدو انكم مقبولين الكليه محتاجه طلاب وطالبات فلاتخافو حتنقبلو ان شاء الله



والاوراق المطلوبه منكم شهادت الثانويه اربعه صور شخصيه و شهادت القدرات والتحصيلي والهويه وصوره منها وطبعا فلوس فتح الملف الي ماعرف كم سارت

ما جاني رد اليوم
اممم بس ما طلبو مني صور شخصيه مع أني كونت مأخذتها معايا
ولا طلبو مني فلوس لفتح الملف :s

اجل استني بعد العيد لانو قفل التسجيل وبعدين سمعت انو قفل التسجيل


لانهم اكتفو ب 100 طالب دا قرار من الوزاه


بلكن ماطلببو دي الاشياء عشان لسا مادوكي قبول

بس انا اشوف انو تاخدي احتياطاتك يعني تدوري جامعه تانيه احسك

وي متأكده انو بس ١٠٠ !!!!!؟
كيف كدا لو بس ١٠٠طالب بالسنه التحضيريه والكليه فيها ٧ اقسام بعد السنه التحضيريه يعني بكل قسم حيكون فيه تقريبا بس ١٤ او ١٥ طالب !! معقوله :s
بس حتى لو كانو بس حيقبلو ١٠٠ ما اعتقد انو في ١٠٠ شخص سجلو قبلي لأنو أنا رحت يوم السبت وقالولي لسا مافي تسجيل وخلوني اعبي ورقه فيها اسمي والسجل المدني و٣ أرقام جوالين وثابت و نسبة الثانوي و القدرات والتحصيلي واليوم الي بعدو يوم الأحد بالظهر اتصلو وقالو انو فتح التسجيل وانا رحت لهم اليوم الي بعدو يوم الاثنين من بدري رحت و ماكان في غير كم وحده قدامي

والله قريت بنات واولاد كاتبين كدا فاللامانه انا ماعرف

وبعدين دا قرار رمن الوزاره انو 100 يعني لو الوزاره امرت يخلوه طالب بواحد يخلوه لانو زي ماقلتلك في شويه مشاكل

وعادي في اقسام فيها بس 4 او 5 طلاب يعني جدا عادي القسم الي فيلو صاحبتي 14 بنت وواحد ولد يعني مو شئ جديد

شوفي انتي خدي احتياطك واستني الخبر الاكيد في العيد ان شاء الله بس لازم تاخدي احتياط لو ماسار شئ لاسمح الله ولا تضيع عليكي سنه

امممم طيب يمكن ١٠٠ بس للي يبغو ينضمو عل منحه !
أنا عايدي ادرس على حسابي مؤ لازم المنحة