الله يخليكم ساعدوني مرا خايفه مااسجل بالكليه

السلام وعليكم..
معليش انا ابا اعرف كيف التسجيل يكون في الكليه وقالولي انو ينفع اسجل عن طريق حاجه مدري ايش هيا انو بدون ما ادفع وانا دحينا ثالث ثنوي ومني عارفه كيف حبدا وابا اعرف كمانا ينفع لي الاجانب التسجيل الي بدون فلوس
وكمانا ابا اعرف كم الرسوم حقها وكيف يختارولي قسمي ولا انا اختارو وكل شي
ومعليش عالاطاله

ماشالله رديتو عليا مرا استفدت منكم

وعليكم السلام

حتى انا طالب ثالث ثانوي وانشاء الله بقدم على الكليه بس انا اللي فهمته اننا نقدم على منحه من الملك بس كيف نقدم ووين انا ما اعرف واللي اعرفه كمان انه ندفع 3500 بس والباقي عليهم وبعدين اذا انقبلنا في الكليه ندرس سنه تحضيريه وبعدين ندخل التخصص اللي يناسب المعدل هذا اللي اعرفه بس مو متاكد من صحه كلامي انا حبيت افيدك باللي اعرفه وبرويح بكره الكليه انشاء الله وبستفسر عن طريقة التسجيل في الكليه وافيدك وودي والله احد يرد عالموضوع ويفيدنا اكثر ويعطيك العافيه عالموضوع



وسامحيني اذا ما افدتك

لكن بكرا بروح الكليه وافيدك اكثر واذا في اي سؤال قولي عشان اسئلهم بكره اذا رحت الكليه

وعليكم السلام ورحمه الله وبركاتو

حبيبتي المنتدى دا نادرا ماتلاقي احد يرد عليكي فيلو لانو دي الفتره فترة اختبارات واصلن المنتدى دا مهجور خخخخ


المهم حساعدك على حسب خبرتي في دا الموضوع

التسجيل فقط عن طريق الكليه مايمديكي تسجلي لا بنت ولا غيرو هما قالو في تسجيل عن النت بس اتوقع الخاصيه دي مافتحت الين دحين فااحسلك روحي الجامعه وسجلي

وحبيبتي مافي شئ تسجلي بدون فلوس دي كليه اهليه يعني حقت فلوس في طرق احد يدفع بدالك بس للاسف مي للاجانب بس حقلك هيا

منح الملك عبدالله سنويه يدفعولك كل سنه الفلوس وليهم شروط

منح الموارد دي دائيمه وبرضو ليهم شروط

اما حقت الاجانب فهيا فرسان بس دي محد يعدي منها الا الشطاااااااااااااااااااااااااااار ويختارو من المقدمين 3 بس ولو حابه افيدك اكتر عنها ماعندي مشكله


اخوي الوجيه

طريقة التقديم في المنح انك تخوش موقع وزارة التعليم العالي يوم 1-9 في رمضان يكون اول يوم فتح التسجيل وتخوش تعبي بياناتك وكلو بس ليهم شروط

نسبتك التراكميه فوق ال 85 واضون دحين رفعوها ل 90
قدراتك فوق ال 70
وانك تكون سعودي

وماتنقبل الا ازا دفعت للكليه 3500 وقابلة للزياده عشان يرفعولك ملفك بس انتا لو دفعتلهم فلوس التسجيل الي هيا التلاته الاف اضمن انو ملفك اترفع

واي شئ تبوه انا في الخدمه