كيفية الاعفى من السنه التحضيرية

السلام عليكم ... اريد ان اعرف هل يمكن الاعفى من السنه التحضيريه مع كوني دارسه الثنوية العامه بلانجليزي و معدلي اقل من 80 .... اتمنى الافاده

و ايضا كيف يمكنني التسجيل في جامعة البترجي الطبية ؟؟؟

مايمديكي تنعفي من ا لسنه التحضيريه الا ازا كونتي دارسه في جامعه اوخرى وبتحولي عشان يعادلولك المواد او انك تكوني خريجه مدرسه انقليزيه بس ايش هيا والله مني فاكره اضون حقت الاجانب ودا الي اعرفو




التسجيل تروحي الكليه وتاخدي شهادتك وصوره ليكي حقت جواز 3 صور وشهاده حسن السيره والسلوك ودي الاشياء

مشكوره ماقصرتي يا رورو

مساء الخير ,,,



بخصوص الاعفاء ممكن انك تدخلي اختبار اذا اجتزتي الاختبار هذا باكثر من 85 تدخلي طب و اذا فوق 80 اسنان و اذا فوق 75 صيدله و اذا فوق 70 علاج طبيعي و اذا فوق 65 اداره صحيه و اذا فوق ال 60 تمريض
او انك تدرسي التحضيري و بناء على معدلك يحدد تخصصك ^^ و ما في شي اسمه معادله للمواد يعني لو احد درس نفس المواد بجامعه ثانيه و حول عندهم يرجع من اول ما عندهم معادله ,,,



دمتم بود

اخ عبد الرحمن لما سجلت السنه الي راحت وقولت للموضفه اني كونت في جامعه قبل كدا قالتلي تبغي نعادلك مواد ونختبرك الاختبار


قولتلها لا شكرن وعدت التحضيري فافي معادله

يا جماعه الخير انا دارس سنه بطيبه و معدلي مرره حلو و لو في معادله كاان انا اول واحد عادلت بس متاكد معادله بالبترجي ما في على دفعتي بس اللي فيه اذا كان معك توفل انجليش تعفى من ماده الانجليش اما غيرها انسى الفكره و ابي احد عادل مواد يجي يكلمني لاني شخصيا دخلت على اسامه الشايب قال لو في السنه الرابعه طب و تحول عندي برجعك فاست كذا بالحرف اذا السنه هذي سمحو بالمعادله ما ادري اتاكد لكم اول السنه لان حاليا الكليه مقفله ,,,



دمتم بود ,,,

عبدالرحمن ليش محسسنا اننا بنكزب يمكن هما قالولك دا الشئ لانو مافي احد خش الاختبار ونجح هما يسو معادله ماختلفنا بس في اختبار ولازم يعدي دا الاختبار ولا مايعتبر في معادله فهمتني؟!

لاني افتكر اني انا كونت في ام القرى وكانت نسبتي سيئه في الكيمياء فاقالتي مس ريم بعضمت لسانها انتي من فين جيه قولتها من ام القرى قالتلي طيب ايش درستي قلتها درست كيمياء احياء احصاء و... الخ قامت قالتلي طيب انا اسويلك الاجرائات دحين بس لو ترجعي وتجيبي من الموقع حقك انك عديتي في دي المواد يسير نعادلك هيا وتخوشي اختبار ب 7 الاف وتعدي السنه التحضيره قومت قولتلها لا مابا اعادل لانو درجاتي مي مره كويسه قالتلي طيب براحتك وكملت الاجرائات وفي كتييييييره قالولهم نعادلكم وبعدين الاختبار الي يختبروه دا مجرد تحصيل حاصل يعني تكميل عدد واتاكد انتا بنفسك لما تبدا الجامعه


بس انا بقولك انا عن نفسي متاكده من دي المعلومه ومايحتاج تنكرها الا لما تتاكد واسال كم واحد عشان تتاكد اكتر