لاتهملوني

السلام عليكم ورحمة الله وبركاته ....
كيفكم بنات واولاد ان شاء الله تمام وكل عام وانتم بخير وصحه وسلامه ..الموهم انا طالبه سجلت في كلية البترجي وان شاءالله ابدأ دراسه بعد العيد وحابه اسألكم كثييييير
1 كيف الجامعه وكيف الدراسه فيها والانضباط ؟
2 كيف الاساتذه متساهلين ولا لا ويفهمونكم ولا لا؟
3 الاختبارات والاسئله تجي من نفس المحاضرات ولا يطلعون منها ؟
4 كيف اختبار تحديد المستوى ؟
وصراااحه شايله هم اختبار التوفل مرررره صدموني لمن قالو لي قبل لاتطلعي سنه اولى تختبري التوفل واللي عندو اي معلومه بخصوص اختبار التوفل يفيدني ومن وين اذاكر وطلبتكم اي احد عندو محاضرات السنه التحضيريه والمذكرات والاشياء اللي تحسون انها مهمه يقولي لاني محتاجتها وان شاء الله سهل انو الواحد يجيب معدل عالي امتياز واللي ماشالله جابو امتياز ياريت يقولو كيف كانت خطتهم الدراسيه وسوري طولت عليكم واتمنى اللي يجاوبون يردون بأمانه
وشكرا .

وعليكم السلام ورحمه الله وبركاته


اوختي ماحنهملك بس اسئلتك دي كولها مجاوب عليها والله حرام تعبنا من كوتر مانقول اقرو الاسئله قبل لا تحطو مواضيع مو عشان شئ لانو محد راح يجاوبك


انا حجاوبك على الي ماتجاوب عليه والي تجاوب عليه روحي دوريلو الله لايهينك

1_ جاوبنا عليه
2_ جاوبينا عليه
3_ جاوبنا عليه
4_ اختبار تحديد المستوى يكون ا ختبار شفوي ونضري النضري يدوكي اسئله وتحليها والشفوي تجيكي استازه انقليزي وتسالك اسااله وبس وبعدها تتوزعو على مستوين مستوى اول ومستوى تاني المستوى الاول الي مهم مره كويسين في الانقليزي مستوى تاني الي مره بيرفكت والمتوسطين وطبعن يخيروكي بعدين انك تطلعي مستوى تاني او تنزولي مستوى اول بس محمل مايحطوكي يكون مصلحتك

اختبار التوفل لازم تجيبي فيلو 500 من 700 او 5 من 7 والاختبار في اماكن كتيره تختبري فيها وطبعن حيفهموكي ايش التوفل في الكليه انا عن نفسي لسا ماختبرتو لانو مطلوب مني في سنه تالت مو دحين

انا عندي بس حقت المستوى الاول مو المستوى التاني

وعفون ومعليش على اني اباكي تتعبي في التدوير لازم تتعبي عشان تستفيدي اكتر

مساء الخير ,,,


1- تمام الجامعه صراحه من ناحيه التجهيزات و الدكاتره و المناهج ,,
2- الاسئله و الاختبارات من المنهج المشروح ,,
3- اختبار تحديد المستوى عادي و سهل ,,



دمتي بود