ممكن مساعدة في موضوع الموارد البشرية

وعليكم السلام ورحمه الله وبركاته

الموارد البشريه هيا عباره عن مجموعه رجال اعمال شاركو في دا الشئ ونتج عنو الموارد البشريه <<ابو الشرح


طبعن الموارد والمنحه الفرق بينها انو الموارد زي ماقولتلك انو الي يدفعها رجال اعمال اما المنح فهي من الملك عبدالله
التسجيل في الموارد الهدف منو في منحتين عندهم الاولى ماهر التانيه المنتهيه بالتوضيف الاتنين تشترك في انهم يدفعولك كل السنين كلها يعني مسلن طب الاسنان 5 سنين ومع الامتياز 6 فايدفعولك هيا بس عندهم شرط انك ماترسبي في ال5 او ال 6 سنين غير في 6 مواد ولو رسبتي في اكتر يشيلو منك المنحه وتدفعيلهم كل الي دفعولك هوا وفي وحده ياماهر يامنتهيه بالتوضيف انهم يوقعو معاكي عقد انك بعد ماتتخرجي يدوكي وضيفه في احد مستشفيات السعودي الالماني لمده سنه او سنتين تقريبن ويدفعولك مكافئه


واما المنح فهيا سنويه كل سنه تجدديها وليهم نسبه معينه وماليهم شروط في الرسوب بس ولا ليكي مكافئه


الموارد مهي تابعه للوزاره ولا ليها خص بيها

التسجيل يكون قبل رمضان تقريبن بس بالزبط مادري متى ويكون التسجيل في نفس الكليه


طالبين انو تكون شهادتك ماتكون ليها اكتر من تلاته سنوات

ونسبتك فوق ال 90 والقدرات والتحصيلي فوق ال 80 تقريبن

ودي الموارد باختصار واي سوال تاني ولا لو مافهمتي شئ قوليلي

طيب انا قدمت هل نزلت النتايج ولا لا
وفي مشاكل اني قدمت في الاتنين ؟؟؟؟؟؟؟؟؟؟؟؟؟؟؟؟؟؟

لوجي النتايج لا منح ولا موارد لسا مانزلت بكره دوقو عليهم واسالوهم بكره يبدو دوامات


والمنح تنزول في القعده والموارد اتاخرو دحين مدري ليش

وبعدين انتو تبدو دوامات عادي يوم 12 زينا ولاتخافي المنح يقبلو كل الدفعه بس الموارد 20


انتي داومي وخلي كل شئ على الله وسقي بالله اهم شئ وربنا يوفقك يارب

رورو ربنا يسعدك وربنا يسعد ويوفق كل مين ساعدني
بجد ما ادري لو ما جاوبتوني وكنتو معايا اش كان سويت
صح كلامك والنعم بالله والله يختار الي فيه الخير يارب
شكرا

صباح الخير ,,,


الى جميع الطلاب و الطالبات اللي ينتظرو نتايج القبول , توكل على الله و ثق ان القبول بيجي و دفعتنا المنح قبلو الكل و انشاء الله مقبوليين كلكم ,,,


دمتم بود