محتاج مساعدتكم بليييييييييييييز

هاااااااااااااااااااااااااااااااااااااااااااااااااااااي
كيفكم انشالله تمام يارب
أنا عضو جديد في المنتدا واتمنى تفيدوني لاني محتاج مساعدتكم
أنا مبتغث في دوله عربيه وادرس طب اسنان سنه تالته بس حصلت مشاكل زي منتو عارفين وثوره ومني عارف ايش
المهم انو ماكملت السنه التالته ورجعوني السعوديه و توقفت دراستي.. وقبل يومين ارسلولي رساله من الوزاره
وأعطوني أختيارات :
أرجع للسعوديه وادخل جامعه حكوميه مع معادلة المواد الي درستها.
ارجع للسعوديه وأدخل جامعه أهليه (أبتعاث داخلي) مع معادلة المواد الي درستها.
أنقل دوله عربيه من الدول التاليه (الاردن,البحرين,الامارات) مع معادلة المواد.
أنقل دوله أجنبيه ما عدا (بريطانيا,ماليزيا) وبدون معادله وأرجع ادرس من جديد ومع سنه أنجليزي وسنه تحضيري يعني أدرس 8 سنوات..

مراح اطول عليكم أنا قررت ارجع السعوديه ومحتار بين كلية البترجي وجامعة الملك عبدالعزيز ؟؟ <<<أش تنصحوني بليز أبغا مساعدتكم
وحاط احتمال كبير اني ادخل البترجي بس أبا اعرف الخطه الدراسيه لطب الاسنان زي متلا مواد السنه التأسيسيه ومواد السنه الي بعدها والي بعدها وكم عدد ساعات كل ماده
عشان اعرف أدا نفسها المواد الي درستها ونفس الساعات حيسوولي معادله وأجتازها لاني برضو حسأل فجامعة الملك عبد العزيز واشوف..

المواد الي درستها___
1_التشريح الوصفي للأسنان والاطباق(توث مورفولجي) 4 ساعات
2_الفيزياء العامه. 4 ساعات
3_الكيمياء العامه. 4 ساعات
4_علم الاحياء العام .4 ساعات
5_تطبيقات الحاسوب .3 ساعات
6_القران . ساعتين 7_اللغه العربيه . ساعتين
8_اللغه الأنجليزيه . 6 ساعات
9_التشريح العام وتشريح الرأس والعنق(أناتومي هد أند نك) . 6 ساعات
10_انجليزي طبي (مديكال انقلش) .3 ساعات

طبعا هدي المواد الي اسال عنها أتمنى تساعدوووووووووووني
______________________________________________

والمواد الي كنت ادرسها ورجعوني قبل ما اختبر فيها <<<<مقهوووور مع انو باقيلي 20 % وأخلصها بس <<راحت عليه
1_كيمياء حيويه (بايو كمستري) 4 ساعات
2_علم احياء وانسجة الفم (اورال بايولجي). 4 ساعات
3_علم الانسجه العام وعلم الجنه (هيستولوجي أند أمبريولجي) 4 ساعات
4_علم وظائف الاعضاء ( فيسيولجي) 4 ساعات
5_مواد طب الاسنان (دينتال ماتيريال) ساعتين

من دحين اقولك عبد العزيز روحها


وتاني شئ ماعندنا خطط دراسيه خخخخ يعني فحط


تالت شئ كول معادله المواد بفلوس ولازمي ختبروك اختبار نجحت فيلو دخلت سنتك التالته على قولتك ولو مانجحت تعيد من السنه التحضيريه


فايبويا عبدالعزيز احسن من هنا بستوميه وسبعه وسبعين الف مره

تحطيييييييييييييييييييييم ههههههههههههههه
أنا اليوم كنت فالجامعه اممممممممممم وقابلت دكتوره مني داري اش اسمها بس الزبده اهم قالو ممنوع نعطيك خطه دراسيه
وجلستلهم اليييين ما ادوني هيا ..طبعا المعادله فالسنه الاولى بس يعني حبدا من تانيه امممممم حسيت براحه لما دخلت
بس خوفت حسيت الدراسه صعبه ..

الموهم يا سيدي انا مني مرتاح لجامعة عبد العزيز عشان كدا ما روحتها
روحت كليه اسمها الفارابي .. الخطه ابسط من البترجي لدرجة انو السنه الاولى والتانيه فيها ثقافه اسلاميه
ومعادلة المواد تدخلني سنه تالته وبعض المواد ما ادرسها زي باقي الطلاب.. وحكون فأول دفعه فالجامعه يعني مافي طلاب فتالته وفطالع

مادري احترررررررررررررررررررررررررررت

والله مو تحطيم ولا شئ

اول شئ انا بنت

تاني شئ والله شوف انا ادميه كونت مره متحمسه للبترجي وقعدت سنتين لين ماخشيتها بس دحين الي انا شايفتو في الدراسه صح حلوه بس في ظلم و الظلم انا متقبلتو لانو في كول الجامعات في ظلم بس الي في البترجي يقهر انو مايدوك خطه دراسيه وغير كدا النظام كول يوم بنظام جديد


ودكتوره منى دي اتحدى لو في خوطه كول يوم ليهم خوطه دراسيه جديده مره مافي


والفرابي لسا ماليها الا السنه دي فاتحه فماعرف عنها شئ بس اليوم البنات بيهرجو عنها بيقولو انهم يبو طلاب عشان كدا لو حولنا فيها حيكونو مستقبليننا بس الموشكله مافيها طب بشري

والبترجي مشكلتها تميل لماديه يعني في كول شئ يبو دفع توصل لحد انهم يرسبو بنات ولا يقللو النسب عشان نعيد مواد عشان تترفع معدلاتنا

كاني انفرطت بس هيا على الراحه النفسيه انا بالعكس مره مرتاحه فيها الحمدلله ودراستها زيها زي اي كليه تانيه بس مشكلتها متشدده في الانقليزي يعني ماتعدي سنه تالت الا التوفل عندك ولا ماتعدي سنه تالت

لانو اغلب دراستها الماني

بس فوق دا كولو ربي يخترلك الي فيلو الخير

طيب يابنتي ...

مشكوره عالردود والله يوفقك انشالله وتتخرجي دكتوره اااااااااااااااد الدونيااااااا

أنا راح اشوف لاني كلمت الطلاب الي معايا جايين من برا و كولهم قالو ماراح يرضو يحولو السعوديه الا ادا صرفولنا رواتب زي برا هههههههههههههههههههههههههه
<<<<<<< طمااااااااااعيييييين وحيروحو الوزاره ويطلبوهم وادا رفضو حيحولو برا السعوديه ..

طبعا الموضوع مو موضوع رواتب بس زي منتو عارفين ان المتخرج من السعوديه لازم يخدم سنتين بعدين يطلب بعثه عشان يكمل ماستر
بس المبتعثين فالخارج اول مايخص امتياز يمدد البعثه ويطلع يكمل ماستر .. عشان كدا الطلاب يبو يرجعو السعوديه على بعثه ..

انا حقدم بس سالتهم فالجامعه برضو عن موضوع الرسوب قالو الي يرسب يعيد يختبر مرا ومرتين وتلاته << لما ينجح !!!!!! على كدا مرا مبسطينها

وفي اختبار قبول فالبدايه ازا نجحت ادفع حق التسجيل و يعطوني قبول اقدمو للوزاره ويعطوني الوزاره ضمان مالي وارجع الجامعه اقدم وانقبل على ويرجعو مستحقاتي <<على قولهم

الي حبيت اسال عنو كيف طريقة الاختبار وكم ادفع عشان احجز مقعد وهل اعادة الاختبار للراسبين صح ؟؟

وثكراا

طيب يابابا العفو ::p

ان شااء الله يااارب بالله كتر من دي الدعاوي وانتا كمانه يارب نفس الشئ


هما صادقين كمانه المكافئه تنفع احنا بنفحط هنا بنخلي وزارة التعليم العالي توافق تدي حقون المنح مكافئات بس شكلو لاحياه لمن تنادي <<دولا الطماعين خخخ


مين قال انو لازم تقعود سنتين ؟ يمكن شئ قديم دا بس دحين الي اعرفو يوم تخلص خلاص تقدر تاخود بعسه وتكمل

طيب ماقولت لا الي يرسب يرجعو يعديلو وكول اعاد ب 7 الاف ؟! هما المستفيدين فاعشان كدا بيقولولك كول رسوب فيلو اعاده

اختبار القبول ؟! اول مره اسمعبو

طريقه الاختبار والله مادري بس اكتر الي جربوهه رسبو فيلو ورجعو تحضيريه وفي ناس عدو منو بس برضو رجعو تحضيريه دي السنين الي قبل اما السنه دي ماسمعت احد خشو فاوالله ماعرف طريقتو

شوف تحجوز مقعد ليك المقعد الين نهايه القعده اعتقد وتدفع 3500 ريال


وقولتلك الاعاده صح بس كول اعاده ب 7000 مو معقوله يعيدولك هوا بلاش خخخخخخ

اماااااااااااااااااااااااااااا 7 الاااااااااااااااااااااااااف هههههههههههههههههههههههههههه
اههههههههههههاااااااااااااااااااي وربي الجامعه جدا ماديه ..... يلا شكرا يا عسل
أنا بكرا رايح الرياض أنا وابويا .. لانو اتفقنا مع الطلاب كل واحد يجيب ابوه عشان لما يقابلو الوزير يحترمهم وترا في طلاب كتير حيجو الوزاره
ممكن 500 طالب وطالبه وانشالله يوافقوو والي حيجي الله يحييه << حسيت انها وزارة ابويا خخخخخخخخخخخخخخ

هههههههههههههههههههههه يب ماديه اكتر مما تتصور


ياله الله يوفقكم ويسرلكم خطاكم وان شاء الله يسمعولكم قيدهم شغالين بالايد الصنجه <<<حتنفرش خخخ