Mr.lonely
المساهمات : 2
تاريخ التسجيل : 20/01/2011
 |  موضوع: تقدروا تقولوا حيره  الخميس يناير 20, 2011 9:42 am | |
| السلام عليكم ورحمة الله وبركاته .. مساءكم / صباحكم سعيد إن شاء الله أنا طالب سنة تحضيرية بجامعة ( الملك عبدالعزيز) ، وهدفي طب الأسنان ( بمشيئة الله ) وبصراحه بعد الاختبارات النهائية وانصدامي بالدرجات بديت أبحث عن حلول أو خيارات ثانية .. أفكر جدّياً بالتقديم على ( كلية البترجي ) كلية طب الأسنان منحه؛ الحمد لله معدلي في الثانوية متفوق وكذلك في القياس ولله الحمد .. لكن فيه أسئلة واستفسارت تدور براسي أتمنى منكم التكرم والإجابة عليها إيجابة شافية : 1- كيف المناهج وأسلوب الدكاترة في الشرح ( لأن في جامعة الملك عبدالعزيز يدرسوننا مواد مش في التخصص مثل: الرياضيات والاحصاء مثلاً ) وتجي الأسئلة من منسق المادة مو من دكتورك والأسئلة فوق المتوسط وتميل إلى الصعوبة، والدكاتره في كل قسم تقريباً ثلاثه دكاتره الممتازين والباقي  فهل كلية البترجي تحذو نفس النهج والأسلوب ؟ 2- قوة اعتماد الكلية بين الجامعات السعودية الأخرى ( يعني لو تخرجت ان شاء الله طبيب وتقدمت أنا وخريج من جامعة المؤسس هل فيه تمييز) ؟؟ 3- لو حاب اقدم ايش الملطوب باختصار؟ ومين اراجع ؟ ومتى ؟ 4- إيش المواد التي تدرس في السنة التحضيرية ؟ وكم النسبة المطلوبه لدخول كلية طب الأسنان ؟ وآسف على الإطالة .. ولا تنسوا " كان الله في عون العبد ما دام العبد في عون أخيه "  | |
|
dr.lulita
المساهمات : 17
تاريخ التسجيل : 27/09/2010
| | موضوع: رد: تقدروا تقولوا حيره الخميس يناير 20, 2011 10:10 am | |
| وعليكم السلام
حجاوبك على قد اللي اعرفه وان شالله افيدك
بالنسبه للمدرسين الصراحه ممتازين عندنا في التحضيري
والمناهج ابدا مهي صعبه وبالعكس احس الي اخذانه في الثانوي اصعب بكثير بس عشان الدراسه انجليزيه فنحس بشويه صعوبه
تقدر تراجع الاداره وممكن تجي باي وقت وهما حيفيدوك اكثر
تعبني البيانات وتشوف ايش المطلوب بنفسك
المواد:
كيميا
احياء
فيزيا
رياضيات
انجليزي
اسعافات اوليه
مصطلحات طبيه
هذا في الترم الاول
والنسه المطلوبه 85% وفوق للاسنان
| |
|
Silent Angel
المساهمات : 241
تاريخ التسجيل : 01/09/2010
العمر : 33
| | موضوع: رد: تقدروا تقولوا حيره الخميس يناير 20, 2011 10:27 am | |
|
مسآآآآآآآآآآآآآء الخير ^^
حياك و الله اذا جاي عندنا ,, ترى ما راح تندم ابد ,,
والله على اول سؤال صراحة ,, الدكاترة في الجيد و الي مو جيد ^^" ,, بس كلهم ممتازين بالشرح ,,
والله كل واحد و له راي ,, وراح تلاقي كل واحد قايلك شيء ,,, فاحسن تجي و تجرب بنفسك ,,
وانا راي بصراحة انو التدريس هنا مررررررة عاجبني و احلى شيء فيهم انو اذا ما كنت مررة في الانجليزي
يجلسو يحسنولك اياه بانو يعطوك دورات في اللغة ,, بس بشرط انو تدرس ترم صيفي ,, بس برضوا هذا احسن لنا ,,
اما على قوة اعتماد الكلية فهي معتمدة من جامعة عزوز نفسها وهي كلية معترف فيها ,, هذا حسب ما قاله عميد الكلية ,,
اما على التقديم فهما راح يعطونك اوراق و اشياء انت بنفسك تعبيها ,, والله ما ادري مين بالضبط تروح وتشوف عند الاولاد ,,
عاد هذا واحد من الاولاد يجاوبلك ,,
اما المواد والنسبة فزي ما قالت لك الدكتورة dr.lulita ,, وان شاء الله تكون افدت ,,
واحنا في الخدمة دائما ,, اطلب الي تبيه و احنا نلبي ^^
| |
|
Mr.lonely
المساهمات : 2
تاريخ التسجيل : 20/01/2011
| | موضوع: رد: تقدروا تقولوا حيره الخميس يناير 20, 2011 10:54 pm | |
| يعطيكم العافية
طيب متى تبدأ فترة التسيجل ( للسمستر الثاني) ؟؟ وهل اقدر استفيد من البعثه ؟ | |
|
roro
المساهمات : 295
تاريخ التسجيل : 22/09/2010
| | موضوع: رد: تقدروا تقولوا حيره الجمعة يناير 21, 2011 10:35 am | |
| التسجيل بدا للسمستر التاني تستفيد من البعسه حقت وزارة في السنه الجيه اما المنح فافي حاليا  تقدر تروح تسجل والتخصوص الي تباه مفتوح والله يوفقك ويسرلك الخير | |
|
roro
المساهمات : 295
تاريخ التسجيل : 22/09/2010
| | موضوع: رد: تقدروا تقولوا حيره الجمعة يناير 21, 2011 10:46 am | |
| ونسيت اقولك لما تبا تسجل تراجع شخص اسمو محمد عارف هوا صح يتفلسف على راسك كتير بس الله يكون في عونك | |
|
عيون الغرام
المساهمات : 2
تاريخ التسجيل : 27/10/2010
| | موضوع: رد: تقدروا تقولوا حيره الجمعة يناير 21, 2011 12:16 pm | |
| حـــــاليا بامكانك تقدم على منحة الموارد البشريه وهيه مفتوحه لجميع التخصصات تقدر تجي ترشح نفسك وازا جاتك المنحة ان شاءالله تداوم في الكليه ... | |
|
