تصويت لكل الاعضااااااااااااااااااااااااااااااااااء طالبكم كلكم ,,,

مساء الخير ,,,

اخواني و اخواتي الاعضاء , وبعد

اجتهد بعض الاعضاء هنا في افتتاح منتدى اخر للبترجي و انا اريد من الكل التصويت هل ننتقل الى الجديد ام نستمر بالقديم ( الحالي ) ؟؟؟


سيستمر التصويت لمدة اسبوع فقط






دمتم بود

مساءكم خير ,.

انا بالنسبة لي اشوف ان نستمر افضل ليه متشائمين الحمد لله حاليا المنتدى انتعش و عما قريب بيشتعل نشااااط متفاءل خير فيكم وربي شاهد على كلامي ,,,




دمتم بود

وهذا هو المنتدى الجديد http://bmc-college.ahlamontada.com/index.htm

انا عن نفسي طبيعي ماراح اتحرك من دا المنتدى ليا في اكتر من سنه وونوص خخخخخخخخخخخخ
من يوم مافتح وانا في حلقو المنتدى دا دحين بجي اغيرو


ولو على انو منتدى يمشي ترى دا منتدى مجاني وداك نفس الشئ يعني نفس الشئ حيكون لا اعضاء جدد ولا شئ

فاقديمك نديمك

انا عن نفسي جالسه في دا

ابتسم كتب:

عندي فكره ثانيه يمكن تناسب الجميع
لو نغير الاستايل حق المنتدى و صورة البنر الى شكل افضل
متأكد 60% -80% النشاط بيزيد
وبيزيد اكثر اذا كانت هنالك مواضيع تدعم الطلاب في تخصصاتهم سواء كانو في الكليه او من خارج الكليه لأكتساب المعرفه

مو المشكله الي فتح الموقع نسيه وراح مو عارفين نغير شي ولا نحذف الواضيع التافه ولا ننظم المنتدى مو عارفين نسوي شي كل شي ملخبط الي يسال عن اسنان في قسم بشري والي يسال عن منحه في قسم اسنان والي يسال مين يبغى يشتري بيت والي يقول مدرس خصوصي والي تقول تبغى شنط ماركه تقليد معليش سامحوني دا مو منتدى لكليه معروفه ومنظمه
دااا (...........) لا تعليق وبعدين انا تعبت سوو الي يريحكم انا كل قصدي انوو يصير منتدى نظيف وينفع ننزل عليه محاضرات واشياء مهمه ويكون الخط كبير وواضح ويفتح النفس
الي يريحكم تعبت

مساء الخير ,,,

اخواني اخواتي ..
انا ماني شايف اي احد رشح الى الان غير 4 مشكورين الله يعطيهم العافيه ,,,

اختي dental queen :

بعد تفكير في الوضع الحالي و القادم ( بعد سنه او اكثر ) سوف يكون المنتدى الجديد افضل من حيث التنويع و الترتيب مقدر مجهودك الجبار انتي و من ساعدك واتشرف بالتسجيل فيه .

يدا بيد يا طلاب البترجي لنفعل المستحيل ..
مشوار المليار ميل يبدا بخطوه لذلك ايقظو عمالقتكم النائمين ( افكاركم و ابداعاتكم و ووووو الخ


دمتم بود

احس نقعد هينا وحيزيد النشاط بالمنتدى

موفقين

يارب تيسرلي كتب:

احس نقعد هينا وحيزيد النشاط بالمنتدى

موفقين

اهلين حبيبتي موافقه انو اجلس هنا بس بشرط يتغير تصميم المنتدى وتتحذف المواضيع التافه والي عندو استفسار يسال في المكان المحدد يعني نحنا لما رحنا سونا منتدى جديد فكرنا انو على الاقل لما احط فيها معلومه ما استخسرها لانو دا المنتدى اسميه منتدى خد الي تبغاه وامشي ولعاد ترجع اذا صاحب الموقع نفسه نسي موقعه تبغي الاعضاء يفتكروه فياليت حبيبتي قبل ما نقول احسن واسوء نفكر من الي راح يكون افضل لينا القصه مو قصة قديم ولا جديد القصه قصة انو دا المنتدى راح يكون مرجع لدفعات كثيره من بعدنا ان شاء الله لازم يكون منظم
اتمنى تكوني فهمتيني يا عسل