السلام عليكم
كيفكم ان شاء الله تمام
المهم الموضوع بصراحه مرررره مهم ويحدد مصير ومستقبل كتيييييييييييييييييييير من الطلاب والطالبات
اكيد سمعتو باللخبطه اللي حصلت بالنسبه لصندوق الموارد اللي منتهي بالتوظيف مو ماهر لتخصص ( الصيدله - تمريض )
لما جو سجلو الطلاب والطالبات قالو مافي شرووط لا قدرات ولا تحصيلي واكترهم كانو تحت ال 60 سواء بالقدرات والتحصيلي
طبعا تلاته من صحباتي مسجلين كانو المهم رحنا قلنا نسألهم ايش صار بموضوع الموارد
الا صدمتنا برد تقول انو قبل يومين جانا فااكس يقول لازم تكون نسبة القدرات والتحصيلي فووووووووق 60 للصيدله ؟؟؟؟؟؟؟؟؟؟؟
طيب كيف من الاساس تقولو مافي شرووط وتخلو العالم تداوم تقريبا شهر وفي النهاية يقولو مافي دعم يعني دحين اغلب الطلاب والطالبات امكن يسحبو ملفاتهم مايكون عندهم امكانية الدفع من غير اللي سحب ملفو من عزوز او ضيع عليه فرصه تسجيل بكلية تانيه على امل الدعم يجيه
االمهم بعد الكلاااام دا ايش المطلوب منكم اذا ماعليكم امر
اانكم تبلغو اي احد داخل بدا البرنامج اما توقعو على ورقه ونكلم دكتور خالد يوقع عليها ونوديها الاماره او الموارد
اانا وصحبتي اليوم جلسنا نلفلف بالورقه عالبناات وسوينا حراج وفي التهايه مالقينا الا 4 بنات بسسسسسسس فاللي يعرف او تعرف طالب او طالبه مسجل يبلغهم
على فكره انا مني مسجله بدا البرنامج بس اللي شفتو ما ينسكت عليه بصراحه الا التحطيييييييييم مره لا
عموما دا الموضوع وادري ماراح تقصرو لو كل واحد يكلم الكلاس حقو لانو طلاب سليمان فقيه سوو كدا وجاهم الدعم
بس لاتضغطو عليهم اذا كانو مايبغو يوقعو او يتكلمو لانو اذا مايبغو ياخدو حقهم ويتكلمو دا مصيرهم لانو بصراحه في ناس تقول نخاااف اذا هما مو مهتمين بنفسهم وقادرين يدفعو الرسوم فكرو في غيركم اللي مايقدر فين يرووح بعد ما بنى امل وحلم في نفسو !!!!!
موضوع: موضووووووع مهم 
الإثنين أكتوبر 19, 2009 7:50 am