سؤال عن السنه التحضيريه .؟

لا مو لازم بس للي يبغى يدخل طب وطب اسنان وصيدلة الخ
اما تمريض من غير سنه تحضيريه

والله اعلم

DoOoDy كتب:

السلام عليكم

أنا حطفشكم من الأسئله <<< كويس عارفه نفسها

بس عارفه بنت ثالث ثانوي يعني لازم تشوفلها جامعه مناسبه وتخصص مناسب ويريحها فمرحلتها الجيه

انا كونت بسأل انو السنه التحضيريه لازم ندرسها فكل التخصصات يعني ولا مثلا التمريض مافي والطب في وكدا

اوايش دي السنه كلموني عنها غير اننا ندرس كيميا وفيزيا و احياء و انجليزي ورياضيات هع

يعني ايش فايدتها انا سمعت انو فجامعة الملك عبد العزيز لازم تجيبي معدل عشان تدخلي كدا وكدا المهم



ليا رجعه اشوف الاجوبه

الله يعينكم عليا هادا وانا ماجيت عندكم الكليه << ان شاء الله السنه الجايه

مساء الخير ,,,
الله يحيك في الحياة الجامعيه السنه الجايه و لي عوده للرد عن جميع استفساراتك ,,,


دمتي بود

مساء الخير ,,,


اختي ملاحظ كل اسئلتك عن الفاست و لكن انا اهني فيك روح السؤال و الاستفسار قبل دخول الامر ,,

الفاست اجمل و اسهل سنوات الدراسه الجامعيه :
1- بتمرين بمواقف كثيرة منها الحلو و المر .
2 - بتتعرفي على اشكال و الوان من البشريه ( الزين و الشين و المصلحجي و انتبهي من فئة اللهم لا اسؤلك الا نفسي )
3- بتغيري نظام الثانوي مذاكره ليله الاختبار و حوسه في المواعيد و لعب و طلعات و فله زايده ما لها اي داعي < مو معنا كلامي انك تعيسه لا بتفلي و تستانسي و لاكن بحدود الطبيعي .
4- انتي ثم انتي مسؤلة عن نفسك يعني يا تنفعي نفسك او تضريها ,
5- في الثانوي تدرسي عشان النجاح و في الجامعه انتبهي انتي تدرسي عشان تفهمي عشان بتعالجي ( ادمي ) مش ( حمار ) .
6 - الفاست ضروري و اساسي للي بيدخلو طب او طب 85% اسنان80% او صيدله تحت 80% او تمريض او علاج طبيعي او اداره صحيه وووالخ تحت 70%


اتمنى افدتك اختي و شدي حيلك بالثانوي ..


دمتم بود

مساء الخير ,,,


على الرحب و السعه اختي و نحن بالخدمه ,,,




دمتم بود

اهلين اختي
بس حبيت اقولك شي بخصوص انك لسه في الثانويه
ابدا ابدا ابدا لا تشيلي هم من الان
لسه احنا لنا شهر بس من بدايه الدوامات ومشوارك مع ثالث ثانوي طويل
انبسطي وعيشي يومك لا تفكري في الجامعه
والله انا ندمت على كل لحظه راحت في الثانوي وانا بس افكر في الجامعه و تجيني حالات اكتئاب وقلقانه وكل شي
حلو الواحد يبغى يعرف كل شي عن مستقبله بس مو حلو يخلي المستقبل قبل الحاضر
اهم شي ذاكري زين وحلي عشان تجيبي نسبه حلوه تضمني تدخلي فيها اي مكان
بدون اي مفاضله مع احد ثاني
وبعدين كلها بتساهيل ربنا
انا لمده سنه كامله مخططه لشي و لقيت نفسي في البترجي
مع انها كانت اخر اختيار لي ولا فكرت فيها من الاساس
بس سبحان الله
( انا اريد وانت تريد والله يفعل مايريد ) واكيد هو الخير فيه..
تحياتي

مساء الخير ,,


انا اشوف ان الطالب يخطط لمستقبله يعني هو اكثر واحد يعرف اذا كان ينفع للتخصص الفلاني او لا بدون ما يتاثر بضغط والديه , و لكن لا يحدد اي جامعه يحدد التخصص لو يضطر يدرس في بنقلادش اهم شي يدرس اللي يحب ,,






دمتم بود

مساء الخير ,,,

لا شكر على واجب اخيتي ,,,





دمتم بود