نريد شخص يمثل طلاب وطالبات كلية البترجي الاهلية بأسرع وقت للضرورة القصوى ..

السلام عليكم ورحمة الله وبركاته ..
نحن طلاب من كليات وجامعات أهلية متعددة , نطالب باعتماد مكآفات شهرية لنا أسوة بطلاب الجامعات الحكومية وطلاب الابتعاث الخارجي , كل كلية او جامعة يمثلها طالب يكون هو المتحدث الرسمي باسم الطلاب .

وأول خطواتنا الرسمية كانت ذهاب 300 شخص من طلاب كلية المعرفة لوزير التعليم العالي لطلب مكافآت للطلاب الحاصلين على منحة داخلية ..
وتم رفع الطلب للمقام السامي في انتظار اعتماده ..

هذا رابط الخبر من جريدة الرياض :
http://www.alriyadh.com/2011/03/28/article617963.html

وهذه صفحتنا على الفيس :
https://www.facebook.com/pages/%D8%B7...95451710491504

زبدة الكلام نريد شخص يمثل طلاب وطالبات كلية البترجي يقوم هذا الشخص يتزويد صاحب صفحتنا في الفيس بوك برقمة واسمه واسم الجامعة لانه سيكون لنا تحركات ان شاء الله بعد نهاية الاختبارات ..
يد وحده ما تصفق , وبتعاوننا سنحصل على مرادنا , نرجو التعاون لما فيه صالحنا جميعا ..
واي استفسار يرجى وضعه وانا حاضر للرد

والله ولي التوفيق ..

اهلن والله شئ حلو انا سويت قبل فتره حمله لدا الشئ


والكل كان موافق في كليتنا وكونا نبا نرسل خطاب تاني بس الله يهديه واحد جا هزئنا لما شاف الخطاب


قلنا احنا ارسلنا كتير خلاص كترتوها ولين دحين الخطاب قاعد بس قريب حنرسلو بازن الله


والصفحه حقت الفيس مي راضيه تفتح ولا كان ماعندي مشكله انا اكون دا الشئ لانو من جد انا ابا دا الش ئ

وطيب احنا كمانه نبا انو تتمددلنا المنح مو بس مكافئات


وبعدين ياخويا لو تبا احد من الطلاب يعني فالافضل انك تتوجه للكليه لانو نادرن ماراح تلاقي احد هنا خخخخ

هنا اهرج تسمع صدى صوتك

فالله يعينكم

السلام عليكم ورحمة الله وبركاته

اولا اعتقد هذا الشي محا يطبق

انا بنفسي كلمت واحد من كبار مسؤليين وزارة التعليم العالي تعرفوا ايش قلي



دافعين لكم 70 الف وتطلبوا زيادة

الله المستعان

حبيبتي احنا حامدين الله وشاكرين وعلى قولتلك بايسين يدنا وش وقفى


بس احنا زينا زي المبتعسين صح ولالا ؟


المبتعسين بياخدو دبلنا فوق 100 الف


واحنا نعتبر مبتعسين بس داخلين فامنحقنا نطالب بدا الشئ ودا شئ قليل اصلن

السلام عليكم بصراحة موضوع مثير للنقاش

ايش نعمل ان شاء الله كل الامور تعدي على خير

الواحد يقول الحمد لله انا عني منقبلت في المنحة ان شاء الله السنة الجايه اقدم وتجيني بس الواحد يرضى بالعندوا ويقول الحمد لله

final exams

اختي Silent Ange
لا حبيبتي حتى في كتير من حقون المنح متغربين عن اهلهم ومايشوفوهم الا في الشهر مره كولو عشان الدراسه ايش الاختلاف بيننا وبينهم الفرق انهم بره واحنا هنا ؟!

دا مو سبب وازا همه عندهم سكن ومصاريف احنا كمانه سكن ومصاريف وغير المشاوير والسواقين ودا كولو عشان الكليه والدراسه يعني زينا زيهم مافي اختلاف ولا شئ

وحوطي غير كدا مصاريف الكليه لوحدها يبالها مصروف خاص

ودا رايك الخاص وانا اتقبلو بس لازم تحوطي نفسك في مكان غيرك عشان تقدري تحكومي صح


اخ سلطه اعتقد اسمك كدا ربي يوفقك وتنضم للمنحه

و الواحد لو سمع الكلام وقعد وحط يدو على خدو ماراح يحصل شئ صح ولالا ولو كول واحد قلنا انتو ماراح تتحقق مطالبكم ولو قالولنا احمدو الله واشكروه على الي بيجيكم كان محد وصل للي بيوصلو واحنا بازن الله حنوصل للي نباه بس يبالنا شويه صبر ودعاءوحنوصل للنباه بقدره الله


وازا انتا راضي براحتك


بس انا بقولك ايش الفرق بين المنح والموارد ؟.!

ومين الافضل والموارد الي ماسكها رجال اعمال والمنح منح الملك

ايش الفرق ؟

وفوق دا كولو الموارد بتدي مكافئه وبتدفع حقت ال 7 سنين مو حقت سنه وحده ؟

ودا رايي انا

والله يوفقك في اختباراتك

تعديل رابط الفيسبوك

https://www.facebook.com/pages/%D8%B7%D9%84%D8%A8-%D9%85%D9%83%D8%A7%D9%81%D8%A3%D8%AA-%D9%84%D8%B7%D9%84%D8%A7%D8%A8-%D8%A7%D9%84%D9%83%D9%84%D9%8A%D8%A7%D8%AA-%D8%A7%D9%84%D8%A3%D9%87%D9%84%D9%8A%D8%A9-%D8%A7%D9%84%D9%85%D9%85%D9%84%D9%83%D8%A9-%D8%A7%D9%84%D8%B9%D8%B1%D8%A8%D9%8A%D8%A9-%D8%A7%D9%84%D8%B3%D8%B9%D9%88%D8%AF%D9%8A%D8%A9/195451710491504

وباذن الله تتحقق مطالبنا ..

مسآآآآآآء النووور ^^ ...


واالله حطيت نفسي مكانكم .. بس كان هذا رأي لا اكثر ..

يلا ان شاء الله تتحقق مطالبكم ,, والله يوفقكم ..

ودكتور سلطة الله يكون بعونك و تتوفق بالقبول باذن الله .. ^^ ..

الله يسهلكم امركم واذا جات على مكافات بسيطه