ايش اعمل ياجماعة :)

اانا ادرس في جامعة طيبة كلية اعلوم التطبيقية قسم كيميا مستوى اول ودرست سنه تحضيرية طبعا وابغا دحين اقدم في البترجي كيف وايش اعمل ؟؟!! ابغا كل المعلومات ممكن ؟؟

صباح الخير ^^ ..

اهلين فيك حببتي ..^^..

والله يـْ♡̨̐ـِْا اختي. الي اعرفه انو راح يسوليك معادلة للمواد ويختبرونك عشان يعرفوا مستواك

بس اعتقد ادا انتي منتي دارسة طب للاسف راح يرجعونك تدرسي سنة تحضيرية مرة ثانية )': ...

وهذا راجع لهم واذا تبي تسجلي عندنا لازم تتاكدي بنفسك من الادارة .. وبالتوفيق ان شاء الله ..

تسلمي حبيبتي انا مو مشكلة لو ارجع سنة تحضيرية بس اهم شي انو يكون في مجال للقبول ...
طيب ممكن اتواصل مع الادارة مباشرة ؟؟ معليش ممكن اتقل عليكي شوية

مسآآآآآآآء النوور ^^ ...

العفو حببتي ,, عادي اثقلي بكيفك ولا يهمك ^^ ...

تقدري تتواصلي معاهم اما بالايميل او بالهاتف ,, حتى تقدري تروحي لعندهم

بس خليني اجيب ارقامهم بكرة باذن الله لانو الارقام ضاعت مني ... اوكي ..

تسلميلي حبيبتي ومرررررررررررررررررره شكرا ..خجلتيني والله .... الله يقدرني واخدمك ان شالله

السلام عليكم ورحمه الله وبركاته

الخطوه الاولى:
كشف اخر سنه دراسه لكي + شهاده الثانويه صوره + بطاقه الاحوال

تسلم الوثائق ( طبعا صور وليس الاصل ) الى قسم شؤون الطلاب لرفعها الى المسؤول عن السنه التحضيريه الدكتور اسامه عبدالروف بعد كذا رايح يحدد لكي شغله من الثنتين:-
1- الموافقه على دخولك اختبار اجتياز السنه التحضيريه
او
2- دراسه السنه التحضيريه من جديد

بالنسبه الى اختبار اجتياز السنه التحضيريه فهو عباره عن 4 او 5 مواد يتم اختبار الطالب فيها على مدار 3 ايام ( السبت والاثنين والاربعاء ) المواد هي ( الكيمياء والفيزياء والانجليزي والاحياء ) في حال اجتزتي الاختبار بنسبه 85% يحق لكي اختيار اي تخصص والبداء فيه مع بدايه السنه الدراسيه الجديده.

طبعا دخولك الاختبار هذا يلزمك التسجيل في الكليه اولا = رسوم التسجيل 3500 ريال + 4000 ريال قيمه الاختبار
في حال لا سمح الله لم تجتازي الاختبار يحق لكي اعادته بـ 2000 ريال.

بدء التسجيل في شهر شعبان بس يفضل انك تقدمي اوراقك قبل الزحمه

بالنسبه لارقام التواصل بالكليه ( بالنيابه عن Silent Angel )

كليه البترجي = 6561111
قسم شؤون الطلاب بقسم البنات = 1088 او 1086 او 1085
قسم شؤون الطلاب بقسم الاولاد = 1077 او 1010
==========================
بالتوفيق

السلام عليكم

انا عن نفسي كنت ادرس في جامعة ام القرى تخصص احياء دقيقة والسنة الي فاتت حولت على البترجي طبعا سالوني ادخل اختبار او اخذ سنة تحضيرية قلت بسرعة اخذ سنة تحضيرية

لانه عارف الاختبار كلوا انجلش ومصطالحات طبية وماراح افهم شي ازا انتي زي وضعي احسن ابدئي من اول راح تستفيدي


والحمد لله على نهاية السنة وان شاء الله ننقبل في المدسن دعواتكم